SANMA Kİ, AYRILIQ ÜZƏCƏK MƏNİ

MƏNİM DƏ QÜRURUM, MƏNLİYİM VARDIR.

DÜŞÜB ADDIM-ADDIM AXTARMAQ SƏNİ

BİLİRƏM ƏBƏSDİR, BOŞDUR, NAHAQDIR.

SƏNİ ÖZ GÖZÜMDƏ MƏN UCALDARAM

QİBLƏYƏ EDƏN TƏK SƏCDƏ ETMİŞƏM

HƏR SÖZÜNÜ UDUB YASALAYARAQ

SƏNİ ÖZ-ÖZÜMƏ QƏNİM ETMİŞƏM

ELƏ BİL YATMIŞDIM İNDİ OYANDIM.

GÖR BİR KİMİN ÜÇÜN ALIŞDIM, YANDIM.

NECƏ UCALTMIŞDIM, ELƏ DƏ SALDIM,

BİL Kİ, SON SÖZÜMDÜR, BU BİR QƏRARDIR...

        13.12.1999

SAKİTCƏ AYRILDIQ...

SAKİTCƏ AYRILDIQ BİR SÖZ DEMƏDƏN,

SƏBƏBİ NƏ OLDU? BİLƏ BİLMİRƏM.

NƏ İMİŞ BƏHANƏN? HEÇ ANLAMADAN,

QƏLBİNDƏN NƏ KEÇDİ? DUYA BİLMİRƏM.

SƏNİNLƏ NEÇƏ QIŞ, YAZ QARŞILADIQ.

SEVİNCİ, KƏDƏRİ BİRGƏ BÖLÜŞDÜK,

NEÇƏ KƏRƏ KÜSÜB YENƏ BARIŞDIQ,

MƏN SƏNDƏN KÜSÜLÜ QALA BİLMİRƏM.

MƏNİ DİNLƏMİRSƏN, ÖZÜN DİNMİRSƏN,

ELƏ BİL, SƏN DAHA O SƏN DEYİLSƏN.

YANIMA GƏLMƏDƏN, MƏNİ GÖRMƏDƏN

NƏDƏN QƏRARINI MƏNSİZ VERİRSƏN?

BİR ÖLÜMƏ MƏHKUM MƏHBUSA BELƏ

“SON SÖZÜ” DEMƏYƏ İMKAN VERİRLƏR.

GÜNAHIM YANINDA BÖYÜKMÜŞ BELƏ?

MƏN ÖZ “SON SÖZÜMÜ” DEYƏ BİLMİRƏM.

ALLAHDAN HEŞ QORXUN YOXDUMU SƏNİN?

BU BOYDA SEVGİDƏN KEÇMƏK OLARMİ?

MƏNSİZ YAŞAMAĞA ÇATAR QÜVVƏTİN?

MƏN SƏNİN CANINAM! GUYA BİLMİRƏM?

                             10.12.1999

Yaşadım, ömrümü mən yarı vurdum,

Hələ də gəzirəm, axtarışdayam.

Yaxşıya rastladım, yaman da gördüm,

Bilmirəm nədəndir? Hey təlaşdayam.

Gözlərim nələrin şahidi oldu?

Nələr eşidmədi yazıq qulağım

Dilim bu başımın bəlası oldu

Gözümü açandan qeylü-qaldayam.

Səni tanıyıram dəli ürəyim.

Sən rahat çırpınıb, vuran deyilsən

Sən ki, elə şeylər arzulayırsan,

Ömürlük səninlə qalmaqaldayam!

                                29.03.1979

GECƏDİR, SƏMADA ULDUZLAR YANIR.

HƏR BİRİ BİR ÖMÜR , BİR TALE DEMƏK.

ÇOXU ULDUZLARIN HÖKMÜNÜ DANIR,

ONLAR BİR KİTABDIR, OXUMAQ GƏRƏK...

NECƏ YAZILDISA ELƏ YAŞADIM,

HEÇ NƏ DƏYİŞMƏDİM, HEÇ NƏ POZMADIM

YAMANI YAXŞI TƏK GÖRDÜM, BACARDIM

TALE QİSMƏTİMİ PİSƏ YOZMADIM...

HƏLƏ Kİ, ULDUZUM YANIR MƏNİM DƏ

ƏLBƏT Kİ, BİR ZAMAN O DA SÖNƏCƏK.

BİRİ SÖNƏCƏKSƏ, ÜÇÜ YANACAQ,

YAXŞIKİ, ƏVƏZİ VARDIR ONUN DA...

Bir gün mən olmasam sənin yanında

Məni başıqarlı dağlarda axtar.

Yoruldun, tükəndin, bitdin sananda

Dincəl, gül-çiçəkli bağlarda axtar.

Axtar, xoş xatirə köşəsindəyəm.

Axtar, gülüşünün nəşəsindəyəm.

Qəlbinin ən dərin guşəsindəyəm,

Məni öz-özünün içində axtar.

Sənə sevgi adlı cahan vermişəm.

Canımdan ayırıb üç can vermişəm.

Ömrümü tək sənə qurban vermişəm,

Məni qurbanlıqlar sayında axtar.

Qorxmaki yanında olmayacağam,

Səni öz ruhumla yaşadacağam,

Bütün bəlalardan qoruyacağam

Məni ocağının közündə axtar!...

Illəri qovuruq illər dalınca

Qovuruq qışı da bahar gəlincə

Qapını həyəcan bir gün çalınca

Ağaran saç olur daraq neyləsin? 

Bitir göy çəməndə gözəl lalələr

Onlara qarışır yaşıl nanələr

Bilir öz işini alaq edənlər

Biçilən ot olur oraq neyləsin? 

Qəm yemə ürəyim hər şeydən ötrü

Bəsdir sən elədin qoyu-götürü

Çəkə bilmirsənsə bir qəm yükünü

Dayanan qəlb olur, damar neyləsin?

                                20.02.2000