Alma əlimdən.

Ayrılığın cəfasını çəkmişəm

Tənhalığın acısını dadmışam

Gecə sükutunu çox dinləmişəm

Sevmək ümidini alma əlimdən.

Istəmirəm göydən ulduz dərəsən

Fərhad olub qayaları yarasan

Ətəyimə ləl-cəvahir səpəsən

Sənli günlərimi alma əlimdən.

Könlümün atəşi hələ sönməyib

Ömrümün çələngi hələ solmayıb

Ürəyim sevgidən hələ doymayıb

Sevmək ümidini alma əlimdən...

Fevral 1995