Bu gecə...

işıq sönüb, qaranlıqdır otağım.

Xəyalımla baş-başayam bu gecə.

Sən yoxsan nə vaxtdır, boşdur yatağım,

Hicranımla baş-başayam bu gecə.

Mən gecəni nədənsə heç sevmirəm,

Hücum çəkir xatirələr üstümə

Bəlkə sənsiz qalmağımdan qorxuram?

Sənsizliklə baş-başayam bu gecə.

Sənin təkcə adın mənim bəsimdir.

Varlığın mənim canım, nəfəsimdir.

Qulağına çatan mənim səsimdir,

Fəryadımla baş-başayam bu gecə.

26.11.1999